7/23/2011 12:07:04 PM
போட்டோன் கதாஸ் நிறுவனத்துக்காக கவுதம் வாசுதேவ் மேனன், ரேஷ்மா, வெங்கி, மதன் தயாரிக்கும் படம், 'வெப்பம்'. கார்த்திக் குமார், நானி, நித்யா மேனன், பிந்து மாதவி, முத்துக்குமார் நடிக்கின்றனர். வசனம், பிரபு. கதை, திரைக்கதை எழுதி அஞ்சனா இயக்குகிறார். வரும் 29-ம் தேதி ரிலீசாகும் இப்படம் பற்றி பிந்து மாதவி கூறியதாவது: இதில் விஜி என்ற கேரக்டராக வருகிறேன். சென்னை குடிசை பகுதியில் தங்கியிருந்து நடித்தது வித்தியாசமான அனுபவம். இதில் பாலியல் தொழிலாளி வேடமேற்றுள்ளேன். முதல் படத்திலேயே இதுபோன்ற கேரக்டரில் நடிப்பது குறித்து சிலர் பயமுறுத்தினர். ஸ்கிரிப்ட் மீது நம்பிக்கை வைத்து நடித்தேன். உண்மையில், இந்த வேடத்தில் நடித்தது சவாலாக இருந்தது. பெண் இயக்குனர் என்பதால், அவரது படத்தில் நடிப்பது சவுகரியமாக இருந்தது. படுக்கையறை காட்சி, முத்தக்காட்சி என்ற வலுக்கட்டாயமான திணிப்புகள் கிடையாது. இது சஸ்பென்ஸ் ஆக்ஷன் த்ரில்லர் படம். இவ்வாறு பிந்து மாதவி கூறினார். அஞ்சனா கூறுகையில், 'மெக்கானிக் கார்த்திக் குமார், விளம்பர போர்டு எழுதும் முத்துக்குமார், மாணவர் நானி, பாலியல் தொழிலாளி பிந்து மாதவி, ஜெராக்ஸ் கடையில் பணிபுரியும் நித்யா மேனன் ஆகியோரின் வாழ்க்கையில் நடக்கும் சம்பவங்களும், தீர்வுகளும்தான் கதை' என்றார்.
No comments:
Post a Comment