7/20/2011 11:56:59 AM
தெலுங்கு படத்தில், வில்லனாக அறிமுகமாகிறார் அஜ்மல். இதுகுறித்து அவர் கூறியதாவது: 'கோ' படம் எனக்கு திருப்புமுனையைக் கொடுத்திருக்கிறது. இது தெலுங்கிலும் டப் செய்யப்பட்டு ஹிட்டாகியுள்ளது. இதன் மூலம் தெலுங்கில் வாய்ப்பு கிடைத்திருக்கிறது. ராம் சரண் தேஜா, தமன்னா நடிக்கும் 'ராச்சா' என்ற படத்தில் வில்லனாக நடிக்கிறேன். ஆனந்த் சாய் இயக்குகிறார். ஸ்டைலான வில்லன் கேரக்டர். படத்தில் மோட்டார் பந்தய வீரனாக நடிக்கிறேன். ராம் சரண், தமன்னா மற்றும் எனக்கு நடக்கும் பிரச்னைதான் படம். கல்லூரி நாட்களில் பைக் ரேஸில் கலந்திருக்கிறேன்.
இப்போது வீலிங் போன்ற பயிற்சிகளை படத்துக்காக செய்து வருகிறேன். அடுத்து 'கோ' படத்தின் இந்தி ரீமேக்கிலும் நடிக்க, பேச்சு நடக்கிறது. தமிழில் 'கருப்பம்பட்டி'யில் இரண்டு வேடங்களில் நடிக்கிறேன். 'கதிர்வேல்' ஜனரஞ்சகமான ஆக்ஷன் படம்.
No comments:
Post a Comment