மாநில சுயாட்சியை நோக்கி தமிழ் மக்களுக்கான அதிகாரம் நகர்த்தப்பட வேண்டும் -சுப்ரமணிய சுவாமி

மாநில சுயாட்சியை நோக்கி தமிழ் மக்களுக்கான அதிகாரப் பரவலாக்கல் முன் நகர்த்தப்பட வேண்டும். பெரும் பான்மையினத்தை இதற்கு இணங்க வைக்க முடியும் என்ற நம்பிக்கை எனக்கு இருக்கின்றது. ஆனால், அதனை உடனடியாகச் செய்ய முடியாது. மெதுவாகவேயே வேண்டும் என்று இந்திய ஜனதா கட்சியின் தலைவர் டாக்டர் சுப்ரமணிய சுவாமி வார இதழுக்கு கடந்த 7ஆம் திகதி கொழும்பில் வைத்து வழங்கிய செவ்வியின் போது தெரிவித்தார். அரசியலமைப்பு ரீதியில் அதிகாரப்பரவ லாக்கல் இடம்பெற வேண்டும் எனக் கூறும் டாக்டர் சுப்ரமணிய சுவாமி முதலமைச்சர் பதவியை வழங்கி விட்டு பொலிஸ் அதி காரத்தை வழங்கவில்லை என்றால் வேடிக்கையானது என்றும் தெரிவித்தார். புலிகளுக்கு எதிராக தமிழக மண்ணிலும், இந்தியாவிலுமிருந்து குரல் கொடுத்தவன். என்னைப் போன்றவர்கள் இந்தியாவில் இருக்கின்றார்கள் என்பதை இலங்கை அரசாங்கம் உணர வேண்டும். புலிகளை அழித்தன் மூலம் இந்திய தேசிய பாதுகாப் புக்கும் ஜனாதிபதி மஹிந்த ராஜபக்ஷ உதவியுள்ளார் என்று குறிப்பிட்ட டாக்டர் சுப்ரமணிய சுவாமி வெளிநாட்டில் வாழ்கின்ற தமிழர்கள் குறித்து இந்திய மத்திய அரசில் பேசக்கூடிய, அழுத்தம் தரக்கூடிய நிலையில் தமிழக அரசியல்வாதிகள் இல்லை. அவர்கள் தமது சுயநலன்களுக்காக இந்திய மத்திய அரசியல்வாதிகளின் கைக்கூலிகளாக செயற்படுகின்றனர். எனவேதான் இந்திய மத்திய அரசின் வெளிநாட்டுக்கொள்கை தமிழர்களுக்கு சதகமாக அமைவதில்லை. இதில் வெளிநாட்டுத் தமிழர்கள் குறித்து மாத்திரமல்ல தமிழக மக்கள் குறித்தும் இதே நிலைதான். என்று தமது சுயநலன்களைப் புறந்தள்ளி தாம் ஆறுகோடி மக்களைப் பிரதிநிதித்துவப் படுத்துகின்றோம் என்ற உணர்வுடன் தமிழக அரசியல்வாதிகள் செயற்பட முன்வருகிறார் களோ அன்று தமிழ் மக்களுக்கு ஒரு விமோசனம் பிறக்கும் என்றும் டாக்டர் சுப்ரமணிய சுவாமி தெரிவித்தார். அவர் கேசரி வார இதழுக்கு வழங்கிய செவ்வி வருமாறு: கேள்வி: நீங்கள் பல்வேறு சர்ச்சைகளை உருவாக்குகின்ற ஒரு அரசியல்வாதியாக தமிழகத்தில் மாத்திரமல்ல அகில இந்திய ரீதியிலும் அடையாளம் காணப்பட்டுள் ளீர்கள்? பதில்: உண்மைதான், இந்தியாவில் மாத்திரமல்ல, அமெரிக்காவிலும், ஹாவார்ட்டிலும் கூட சர்ச்சைக்குரிய மனிதராக நான் இருந்துள்ளேன். கேள்வி: நீங்கள், தமிழீழ விடுதலைப் புலிகள் வேறு. தமிழர் விவகாரம் வேறு என்ற நிலைப்பாட்டை எடுத்திருந்தீர்கள். தமிழக முதலமைச்சரும் இதே நிலைப் பாட்டில்தான் இருந்தார். இன்று புலிகள் இல்லை. தமிழர் விவகாரம் குறித்து உங்கள் நிலைப்பாடு என்ன? பதில்: புலிகள் வேறு, தமிழர் விவகாரம் வேறு என்ற நிலைப்பாட்டில் தமிழக முதல மைச்சர் செல்வி ஜெயலலிதா கொஞ்ச காலம் இருந்தார். இலங்கையில் தமிழ் மக்களின் போராட்டங்கள் அனைத்தும் ஜனநாயக ரீதியில்தான் முதலில் தொடங்கின. எஸ்.ஜே.வி.செல்வ வநாயகம் போன்றோருடன் சிங்களத் தலைவர்கள் ஒப்பந்தங்களை மேற்கொண்டனர். ஆனால், அந்த ஒப்பந்தங்கள் நிறைவேற்றப்படவில்லை. தமிழ் மக்கள் ஏமாற்றப்பட்டனர். சில சமயங்களில் தேர்தல் இலாபங்களுக்காக தமிழ் மக்களைப் பாவித்து விட்டு கழற்றிவிட்டனர். அதற்குப் பிறகு தமிழ் மக்களிடையே அது வன்முறைப் போராட்டமாக மாற்றம் அடைந்தது. வன்முறை என்பது எமது கலாசாரத்தினாலும் அல்லது இந்து, பௌத்த சமயங்களினாலோ ஏற்றுக் கொள்ளக் கூடியதாக இல்லை. அங்கீகரிக்கும் நிலையிலும் இல்லை. இந்த பின்னணியில் விடுதலைப் புலிகள் ஒரு அமைப்பாக உருவெடுத்தனர். இவர்களால் தமிழர்களுக்கு மிகப் பெரிய ஆதரவாளராக இருந்த இந்தியாவின் முன்னாள் பிரதமர் ராஜிவ் காந்தி கொலை செய்யப் பட்டார். இலங்கையில் அ.அமிர்தலிங்கம், வெயோகேஸ்வரன், அவரது மனைவி, கலாநிதி நீலன் திருச்செல்வம் என்று பலரை அவர்கள் கொலை செய்தனர்.  அதாவது தம்மை மீறி எவரும் இருக்கக் கூடாது என்ற நிலைப்பாட்டை விடுதலைப் புலிகள் எடுத்தனர். எவரும் தமக்கு எதிராக இருக்கக் கூடாது, நூறு சதவீதம் தம்மை ஆதரிப்பவர்களாக இருக்க வேண்டும் என்ற நிலைப்பாட்டிலிருந்து புலிகள் செயற்பட் டனர். இவர்களுடைய ""பயங்கரவாத'' நடவடிக்கை களால் தமிழ் மக்கள் பெரிய அளவில் பாதிக்கப்பட்டனர். வெளிநாடுகளைப் பொறுத்து குறிப்பாக இந்தியாவே தமிழ் மக்களுக்கு உதவியாக இருக்கும். இந்த ஒரு பின்னணியை வைத்து எதிர்காலத்தில் எவ்வாறு செயற்படுவது என்பது குறித்து ஆய்வு செய்தேன். இறுதியில் விடுதலைப் புலிகள் அழிக்கப்பட வேண்டும் என்ற முடிவுக்கு வந்தேன். தமிழ் மக்களைப் பொறுத்து வெள்ளைக் காரர்கள் அவர்களை பழுதாக்கிவிட்டனர். இந்தியாவில் எவ்வாறு ஆரியர், திராவிடர் என்ற பிரிவினையை உருவாக்கினார்களோ அதுபோல் இலங்கையிலும் தமிழர்களுக்கும் சிங்களவர்களுக்கும் இடையில் பிரிவினையை ஏற்படுத்தியுள்ளனர். தமிழர்களுக்கும் சிங்களவர்களுக்கும் இடையில் பெரிய வித்தியாசம் இல்லை. மொழி ரீதியில் ஒருசில வேறுபாடுகள் இருந்தபோதும் சிங்கள மொழியில் சமஸ்கிருத சொற்கள் பல உள்வாங்கப்பட்டுள்ளன. தமிழர்களிடையேயும், சிங்களவர்களிடையேயும் காணப்படும் ஒற்றுமையை, சகோதரத்துவ உறவை மேலும் வளர்த்து வலுவாக்க முன்வர வேண்டும். பெரும்பான்மை சமூக ஜனநாயகம் 1948ஆம் ஆண்டு இலங்கை சுதந்திரம் அடைந்ததற்குப் பிறகு வாக்களிப்பதன் மூலம் பெரும்பான்மை சமூக öŒல்வாக்கு இலங்கை அரசியலில் உருவாகியதன் காரணமாக தனிப்பெரும்பான்மையைப் பெற்ற Œமூகமாக சிங்கள Œமூகம் உருவாக வழிவகுத்தது. இந்தியாவுக்கும் இலங்கைக்கும் இடையிலான உறவை சீர் குலைப்பதற்காகவும், இந்தியாவின் செல்வாக்கை இலங்கையில் மங்கச் செய்வதற்காகவும் வெளிநாட்டுச் சக்திகள் பல பெரும்பான்மைவாதத்ததை மேலும் தூண்டி விட்டன. இந்த வலையில் சிங்கள மக்களும் வீழ்ந்தனர். இந்த ஒரு பின்னணியை வைத்துக் கொண்டு நான் மிகச் சுருக்கமாக சில விடயங்களைக் கூற விரும்புகிறேன். 1.எமக்கிடையே வேறுபாடுகள், அபிப்பிராய பேதங்கள் இருக்கலாம். ஆனால், பயங்கரவாதத்தை ஒழிப்பதில் வெற்றி கொண்ட ஜனாதிபதி மஹிந்த ராஜபக்ஷவை நாம் பாராட்ட வேண்டும். பல வெளிநாடுகளின் தலையீடுகள், நிர்ப்பந்தங்கள் இருந்தபோதும் அவற்றைக் கணக்கிலெடுக்காது விடுதலைப் புலிகளை அவர் அழித்து விட்டார். 2. மஹிந்த ராஜபக்ஷ பாராட்டப்பட வேண்டியவர் விடுதலைப் புலிகள் இந்தியாவுக்கும் ஆபத் தானவர்கள். புலிகள் இலங்கையில் வளர்வது, இந்தியாவின் தேசியப் பாதுகாப்புக்கு அச்சுறுத்தலாகும். இந்தியாவின் தேசியப் பாதுகாப்புக்கான போரை ஜனாதிபதி மஹிந்த ராஜபக்ஷ முன்னெடுத்தார். அதில் வெற்றி பெற்றதானது இந்தியாவுக்கு பெரிய இலாபமாகும். இந்தியாவின் தேசியப்பாதுகாப்புக்கு பெரிய இலாபம் கிடைத்துள்ளது. இதனால், அவருக்கு இந்தியாவில் நல்ல பெயரும், கௌரவமும் உள்ளது. இதனை அவர் உணர்ந்து கொள்ள @வண்டும். இந்தியாவில் அவரைப் பெருமையுடன் பார்க்கும் நிலை உள்ளதென்பதையும் அவர் உணர வேண்டும். தமிழ் மக்கள் தோற்கவில்லை 3 இந்தப் போரில் தமிழ் மக்கள் தோற்கவில்லை; விடுதலைப் புலிகள்தான் தோற் கடிக்கப்பட்டுள்ளனர். இந்த உண்மையை, வேறுபாட்டை சிங்கள மக்களும் உணர வே ண்டும் அல்லது அவர்களுக்கு தெளிவுபடுத்த வேண்டும். ஜேர்மனியில் ஹிட்லர் தோற்கடிக்கப்பட்டதன் பின் ஜேர்மனியை அமெரிக்கா அழித்துவிட வில்லையே! ஜே ர்மனி பல துறைகளில் முன்னேறுவதற்கு அமெரிக்கா பல வழிகளில் உதவியது. 4. அதிகாரப் பரவலாக்கல் வேண்டும். தமிழ் மக்களின் பிரச்சினைகளுக்கான தீர்வு நோக்கிய நகர்வு விடுதலைப் புலிகளால் பின் தள்ளப்பட்டுவிட்டது. அந்த முயற்சிகள் மீண்டும் கொண்டு வரப்பட வேண்டும். தமிழ் மக்களுக்கு சட்டத்தில் தெளிவான இடம் இருக்க வேண்டும். அதிகாரங்களும் இருக்க வேண்டும். சட்ட ரீதியில் அதிகாரப் பர வலாக்கல் இருக்க வேண்டும். அது செய்யப் பட வேண்டும். 5. சிங்கள மக்களின் அச்சம் ஆனால், சிங்கள மக்கள் மத்தியில் ஒருவித அச்ச உணர்வு உள்ளது. அதிகாரங்களை கொஞ்சம் கூடுதலாக தமிழர்களுக்குக் கொடுத்தால் நாடு பிரிந்து போய் விடும்; தனிநாடு உருவாகிவிடும்; என்ற அச்சம் சிங்கள மக்கள் மத்தியில் உள்ளது. இந்த அச்சத்தைப் போக்க வேண்டும். 6. பொலிஸ் அதிகாரம் இல்லாத முதலமைச்சர் பதவி வேடிக்கையானது அதேவேளையில் தமிழ் மக்களுக்கு ஒன்றுமே கொடுக்காமலும் இருக்க முடியாது. உதாரணமாக முதலமைச்சருக்கு பொலிஸ் அதிகாரம் கொடுக்கவில்லை என்றால் அது வேடிக்கைக்கு உரியதாக போய்விடும். இந்தியா இருபக்க உறவை வளர்க்க வேண்டும் இந்தியா இருபக்க உறவை அதாவது சிங்கள தமிழ் மக்களுக்கு இடையிலான உறவை வளர்ப்பதில் முக்கிய பங்காற்ற வேண்டும். இதனை மெது மெதுவாகத்தான் செய்ய வேண்டும் என்று நான் நினைக்கின்றேன். முதலில் கொடுப்பதை எடுத்துக் கொண்டு பிறகு இன்னும் கேட்க வேண்டும்.  எல்லாம் ஒரேடியாகக் கிடைத்து விடும் என்பதல்ல. பரஸ்பரம் நம்பிக்கை கட்டியெழுப்பப்படுவ தன் மூலமே இதனை அடைந்து கொள்ள முடியும். வடபகுதி தமிழர்கள் வடக்கு, கிழக்கு இணைப்பு பற்றி வலியுறுத்துகின்றனர். இணைந்த வடக்கு, கிழக்கு கிடைக்கும். அதற்கு காலமெடுக்கும். மகாத்மா காந்தியிடம் இருந்து கற்றுக் கொள்ள வேண்டும். மகாத்மா காந்தியிடம் இருந்து நாம் பல விடயங்களைக் கற்றுக் கொள்ள  வேண்டும். அவர் வெள்ளைக்காரரிடம் இருந்து கொஞ்சம் கொஞ்சமாக உரிமைகளைப் பெற்றுக் கொண்டார். இறுதியில் பூரண சுயாட்சியைக் கொடுத்துவிட்டு வெள்ளைக்காரர்களை நாட்டை விட்டுப் போகுமாறு கோரினார். 8 இலங்கை வாழ் இந்திய வம்சாவளி மக்களுக்கு இந்தியாவின் துரோகம் இலங்கையில் வாழ்கின்ற இந்திய வம்சாவளி மக்களுக்கு இந்தியா பெரும் துரோகம் செய்து விட்டது. 1948இல் இந்திய வம்சாவளி மக்கள் இலங்கையில் பெரும் சக்தியாக இருந்தனர். ஸ்ரீமா சாஸ்திரி ஒப்பந்தம், ஸ்ரீமா இந்திரா ஒப்பந்தம் போன்றவைகளால் இந்த மக்கள் நாடற்றவர்களாக்கப்பட்டனர். இந்தியா இத்தகைய முட்டாள்தனமான ஒப்பந்தங்களைச் செய்திருக்காவிட்டால் இலங்கை நாடாளுமன்றத்தில் 40 எம்.பி.க்கள் இன்று இருந்திருப்பர். இது போன்றதொரு முட்டாள்தனத்தை நான் உலகில் எங்கும் பார்க்கவில்லை. இதற்கு பிராயச்சித்தமாக பெரும்பணியை ஆற்ற வேண்டிய கடமைப்பாடு இந்தியாவுக்கு உள்ளது. இன்று O.C.I என்ற அந்தஸ்தை இந்தியா கொடுத்துள்ளது. ஆனால், வெளிநாடுகளில் வாழ்கின்ற இந்தியர்களுக்கு வழங்கப்பட்டுள்ள அந்தஸ்துக்கு இல்லாத பல கட்டுப் பாடுகள் விதிக்கப்பட்டுள்ளன. இது குறித்து மத்திய அரசாங்கத்துடன் பேசவுள்ளேன். இலங்கை வாழ் இந்திய வம்சாவளி மக்கள் தொடர்பாக பெரியளவில் சர்வதேச மகா நாடொன்றை விரைவில் தமிழ் நாட்டில் நடத்த வுள்ளேன். எதிர்வரும் ஏப்ரல் மாதத்தின் மூன்றாம் வாரத்தில் இம்மகாநாடு நடைபெறும். இந்தியா அனைத்து தமிழர்களுக்காகவும் பேசவேண்டும். இந்தியா இலங்கையில் வாழுகின்ற ஒட்டுமொத்த தமிழ் மக்களுக்காகவும் பேச வேண்டும். ஆனால், நடைமுறையில் இந்தியா அவ் வாறு நடந்து கெள்வதாக தெரியவில்லை. இலங்கையில் வாழ்கின்ற இந்திய வம்சாவளி தமிழ் மக்களைத் தவிர்த்து வட பகுதி தமிழ் மக்களுக்காக மட்டுமே பேசுவதாகத் தெரிகின்றது. பேசித் தீர்க்கலாம் இலங்கையில் தமிழர் தொடர்பான சில பிரச்சினைகளை பேச்சுவார்த்தை மூலம் தீர்த் துக் கொள்ளலாம். இலங்கையில் சில இந்துக் கோவில்களை தமிழர்களிடமிருந்து எடுத்து கையப்படுத்தி யுள்ளனர். சீனாவின் மனமாற்றம் திபெத்திலுள்ள கைலாய மலையை வழி பாட்டுக்கென திறந்துவிட சீனா மறுத்தது. இந்த விடயம் தொடர்பாக மூன்று வருடங்களாக தொடர்ச்சியாக நான் பேசியதன் பயனாக இறுதியில் சீனா வழிபாட்டுக்குத்திறந்து விட ஒத்துக் கொண்டது. நான் சீனாவின் நண்பன் என்பது சீனாவுக்குத் தெரியும். அந்த உணர்வும் சீனாவுக்கு இருந்தது. இதுபோன்றதொரு நம்பிக்கை என்மீது இலங்கையில் உள்ளது என்பதை இந்த இலங்கைப் பயணத்தின் போது உணர்ந்து கொண்டேன். விடுதலைப் புலிகளுக்கு எதிராகவும், போருக்கு ஆதரவாளராகவும் தமிழகத்தில் இருந்து குரல் கொடுத்தவன் என்ற உணர்வு இலங்கையில் உள்ளது. நான் கதிர்காமத்திற்குச் சென்ற பொழுது அங்குள்ள முக்கிய பௌத்த மதகுரு நேரில் வந்து என்னை ஆசீர்வதித்தார். இவ்வாறான நம்பிக்கையை பயன்படுத்திக் கொள்ள வேண்டும். 11. தமிழக அரசியல்வாதிகள் பணத்திற்காக கோஷமிடுகின்றனர் தமிழ் நாட்டில் இருக்கின்ற எவரெல்லாம் இலங்கைக்குத் தமிழர்களுக்காக கோஷம் போடுகின்றனரோ அவர்கள் அனைவரும் பணத்துக்காகத்தான் கோஷம் போடுகின்றனர். வைகோவாக இருக்கட்டும் அல்லது சீமானாகவோ, நெடுமாறனாகவோ இருக்கட்டும். அனைவரும் பணத்துக்காகவ கோஷம் போடுகின்றனர் என்பதே எனது அபிப்பிராயமாகும். தமிழ் நாட்டில் உள்ள இவர்கள் தமிழர்களின் தலைவர் பிரபாகரன் என்று கூறுகின்றனர். தமிழகத்தில் உள்ள தமிழர்களுக்கு தலைவர் இந்தியாவின் பிரதம மந்திரியாகும். இதனால், மதுரையில் பொதுக்கூட்டத்திற்கு ஏற்பாடு செய்து அதில் நான் பேசப்போகின்றேன். இந்தியாவிலுள்ள தமிழர்கள் அனைவ ரும் தாம் முதலில் இந்தியன் என்று நினைக்க வேண்டும். அதற்குப்பிறகு தமிழன் என்ற உணர்வு வர வேண்டும். தமிழர்கள் எதிர்பார்க்கும் அபிலாஷைகளுக்கும் இந்தியாவின் எதிர்பார்ப்புக்கும் இடையில் வித்தியாசம் இருக்குமாயின் தமிழர்கள் முதலில் இந்தியன் என்ற நிலைப்பாட்டிலேயே சிந்திக்க வேண்டும்.இதுபோல் இலங்கையிலுள்ள தமிழர்களும் முதலில் இலங்கையர் என்று நினைக்க வேண்டும். செயற்பட வேண்டும். 1948 ஆம் ஆண்டு இலங்கை சுதந்திரம் அடைந்தபொழுது தமிழர்கள் தமது கல்வித் தகைமை, புத்தி கூர்மை காரணமாக பெரியளவில் மேன்மை நிலையில் இருந்தனர்.சிங்களத்தரப்பினர் இந்த நிலையை மாற்றுவதற்காக தரப்படுத்தல் போன்ற முட்டாள்தனமான காரியங்களைச் செய்தனர். இவ்வாறான விடயங்கள் இனிமேலும் நடைபெறக் கூடாது. 12. இலங்கை அச்சத்ததின் காரணமாகவே சீனா பக்கம் போகின்றது. ஆனால், இந்தியாவை மீறி செயற்பட விரும்புவதில்லை. எனவே தான் ஹம்பாந்தோட்டையை முதலில் இந்தியாவுக்கு வழங்க முன்வந்தது. ஆனால், இந்தியா கருணாநிதிக்காக அதனை ஏற்க வில்லை. கேள்வி: செல்வா பண்டா ஒப்பந்தம் போன்று பல ஒப்பந்தங்கள் மீறப்பட்டதாக நீங்கள் குறிப்பிட்டீர்கள். அதுபோல் தான் 1987 ஆம் ஆண்டு இலங்கை இந்திய அரசாங்க மட்டத்தில் மேற்கொள்ளப்பட்ட ஒப்பந்தமும் உள்ளது. அதனையொட்டித்தான் 13ஆவது திருத்தச் சட்டமும் அரசியலமைப்புச் சட்டத்தில் சேர்க்கப்பட்டுள்ளது. ஆனால், அதனைக் கூட வழங்குவதற்கு மறுக்கப்படுகின்றது. புலிகள் இருக்கும்வரை தீர்வுக்குப் @பாவதாக தொடர்ச்சியாக கூறி வந்தது. தற்பொழுது புலிகள் இல்லை. இரண்டு வருடங்களுக்கு மேலாகியும் 13ஆவது திருத்தச் சட்டத்தைக் கூட நிறைவேற்ற முன்வரவில்லை. இவை கள் அனைத்தும் தமிழ் மக்கள் இலங்கை அரச தரப்பின் மீது நம்பிக்கை வைக்கும் நிலை இல்லை. இதுபற்றி என்ன கூற விரும்புகிறீர்கள். பதில்: இதில் பாதி எமது தவறு. பாதி அவர்களுடைய தவறு. அவர்களுடைய இருதயம் (சிங்களத் தரப்பு) பெரிதாக இருக்க வேண்டும். சிறியதாக இருக்கக் கூடாது. போரில் வெற்றி பெற்றுவிட்டோம் என்ற எண்ணமோ தமிழ் மக்கள் ஒரு அடிமைச் சமூகம் என்ற எண்ணப்பாடோ அவர்களிடம் இருக்கக்கூடாது. விடுதலைப் புலிகளுடனான போரின்போது தமிழ்த் தலைவர்கள் ஜனாதிபதி மஹிந்த ராஜபக்ஷவை ஆதரிக்கவில்லை. உயிர்ப்பயம் காரணமாக டக்ளஸ் தேவானந்தா போன்றோர் ஆதரவளித்தபோதும் பெரும்பாலானவர்கள் ஆதரவளிக்க முன்வரவில்லை. @பாரின்போதுதான் இந்த நிலைப்பாடு என்றால் தேர்தலின் போதும் கூட தமிழ்த் தலைமைகள் ஜனாதிபதி மஹிந்த ராஜபக்ஷவை ஆதரிக்கவில்லை. சரத்பொன்சேகாவையே ஆதரித்தனர். ஜனாதிபதி மஹிந்த ராஜபக்ஷ தமிழ் மக்களுக்கு விடுதலை வாங்கிக் கொடுத்தார். அப்படியிருந்தும் படைத் தளபதியை தமிழ்த் தலைமைகள் ஆதரித்துள்ளனர். போர்க்குற்றங்கள் எனக் கூறப்படுகின்ற அனைத்தும் செய்தவர்கள் இராணுவத்தினர். அப்படியிருந்தும் ஜனாதிபதி மஹிந்த ராஜபக்ஷவை ஆதரிக்காமல் விட்டமை பெருந்தவறாகும். அமெரிக்காவின் கோபத்தால் ஒன்றும் நடக்காது ஜனாதிபதி மஹிந்த ராஜபக்ஷ மீது அமெரிக்காவுக்கு அதிருப்தியும், கோபமும் உள்ளது. விடுதலைப் புலிகளின் பிரச்சினைக்குத் தீர்வு கண்டபின் தமிழர் பிரச்சினைக்கு தீர்வு காண் பதாக ஜனாதிபதி மஹிந்த ராஜபக்ஷ அமெரிக் காவுக்கு வாக்குறுதியளித்துள்ளார். இந்த வாக்குறுதியை ஜனாதிபதி மஹிந்த ராஜபக்ஷ நிறைவேற்றவில்லை என்ற கோபம்; அதிருப்தி  அமெரிக்காவுக்கு உள்ளூர உள்ளது. அமெரிக்காவின் இந்த கோபத்தை தமிழர் தரப்பு பயன்படுத்திக் கொள்ள வேண்டும். ஆனால், இந்த கோபத்தால் ஒன்றும் நடக்கப் @பாவதில்லை. அமெரிக்காவாலும் ஒன்றும் செய்ய முடியாது. தமிழ் மக்கள் இந்த விடயத்தில் பெரிய தவறு செய்துள்ளனர் என்பதுதான் எனது அபிப்பிராயமாகும். இராணுவத் தளபதியை ஆதரித்தமை ஜனாதிபதி மஹிந்த ராஜபக்ஷவின் மனதில் எத்தகைய உணர்வலைகளை ஏற்படுத்தும் என்பதைப் பார்க்க வேண்டும் அவர் தமிழ் மக்களின் ஆதரவின்றியே ஜனாதிபதியாகிவிட்டார். இவ்வாறு ஜனாதிபதியாகிய ஒருவர் தமிழர் நலன் குறித்து செயற்பட முனைந்தால் அவர் தமக்கு ஆதரவளித்த மக்களாலேயே கைவிடப்படக்கூடிய நிலைக்குத் தள்ளப்படுவார். உதாரணமாக வாஜ்பாய் நிலைமை அவருக்கு வந்து விடும். இந்து மக்களின் வாக்குகளைப் பெற்று ஆட்சியிலமர்ந்த அவர் முஸ்லிம் மக்களுக்காக செயற்படப்போய் இறுதியில் இந்து மக்கள் அவரைக் கைவிட்டு விட்டனர். கேள்வி: இந்திய வெளியுறவு அமைச்சர் அண்மையில் இலங்கை வந்திருந்த பொழுது அதிகாரப் பரவலாக்கலில் 13 பிளஸ் குறித்த நிலைப்பாட்டிற்கு இலங்கை ஜனாதிபதி வந்துள்ளதாக அறிவித்து விட்டுச் சென்றார். அவர் சென்ற மறு கணமே இலங்கை அரசாங்கம் அதற்கு மாறான கருத்துகளை தெரிவித் துள்ளது. ஒரு இந்தியக் குடிமகன் என்ற வகையில் முரண்பட்ட இந்தப் போ க் கினை நீங்கள் எவ்வாறு பார்க்கின்றீர்கள்? பதில்:இது ஒரு முட்டாள்தனமான செயலாகும். இதுபோன்ற முக்கிய அறிக்கையை இருதரப்பு கூட்டறிக்கையாக பத்திரிகை மாநாட்டில் வைத்து வெளியிட்டிருக்க வேண்டும் . அந்த பத்திரிகையாளர் மகாநாட்டில் ஜனாதிபதி மஹிந்த ராஜபக்ஷவை முதலில் பேச  வைத்திருக்க @வண்டும். என்னைப் பொறுத்து இது ராஜதந்திர ரீதியில் @தால்வியாகும். இந்தியாவின் பெயரே கெட்டுப்போய்விட்டது. கேள்வி: இலங்கை நோக்கிய இந்திய வெளியுறவுக் கொள்கை வெற்றி பெறாத கொள்கையாக@வ உள்ளது. அதற்கும் அப் பால் மகாத்மா காந்தி, நேரு காலந்தொட்டு இலங்கை அரசியல் தலைவர்கள் இந்தியாவின் வெளியுறவுக் கொள்கையை தமக்கு சாதகமாக்கிக் கொண்டதே வரலாறாக உள்ளது. பதில்: தமிழக அரசியல்வாதிகளே இதற்கு காரணமென்று நான் ஆரம்பத்தில் இருந்@த கூறிக் கொண்டு வருகின்றேன். தமிழக அரசியல்வாதிகள் எப்பொழுதும் வட நாட்டுத் தலைவர்களுடைய கைக் கூலி களாகவே இருக்கின்றனர். இன்றும் அவ்வாறே செயற்படுகின்றனர். தமிழக முதல்வர் செல்வி ஜெயலலிதா இதற்கு விதிவிலக்கானவர். ஆனால், அவரும் எவராவது நீதிமன்றங்களில் வழக்குப் போடுவதாக கூறினால் பயந்து விடுவார். ராஜாஜிகூட நேருவுக்கு ""காக்கா#'' பிடித்துக் கொண்டிருந்தார்.நேரு துரோகம் செய்த பின்னர்தான் அவர் தனிக்கட்சியை ஆரம்பித்தார். அவரது செயற்பாடுகள் இறுதியில் திராவிடக் கட்சிகளின் வளர்ச்சிக்கே உதவின. இந்தியாவின் ராஜதந்திரம் தமிழ் மக்களுக்கு ஆதரவாக இல்லாது இலங்கை அசாங்கத்தின் பேச்சைக் கேட்கும் அளவுக்கு இருக்கிற தென் றால் அதற்கு தமிழர்களின் அரசியல் தலை மைகளே காரணமாகும். தமிழக அரசியல் தலைமைகள் டெல்லியில் பேசும் திரணியற்றுள்ளன. செல்வாக்கு செ லுத்தும் நிலையிலும் இல்லை. அதற்கான உதாரணத்தை என்னால் தரமுடியும். தமிழ், தமிழ் என்று பேசுகின்ற தி.மு.க. தலைவர் கருணாநிதி மத்திய கூட்டணி அரசாங்கத்திலிருந்து விலகுவதாக கூறவில்லை. ராஜாவுக்கு டெலிகொம் கிடைக்கவில்லை என்றாலோ அல்லது நெய்வேலியை தேசிய மயமாக்கும் விவகாரத்திலோ மத்திய அரசில் இருந்து விலகுவதாக கூறும் கருணாநிதி அவர்கள் தமிழர்களுக்கு உரிமைகள் கொடுக்கவில்லையென்றால் விலகுவேன் என்று கூற ஏன் அவர் முன்வரவில்லை. அதாவது சுயநலன்களுக்காகவும், அற்ப சொற்ப சலுகைகளுக்காகவும் விலைபோகும் நிலையில் தமிழ்த் தலைமைகள் உள்ளன என்பதுதான் உண்மையாகும். இத்தகைய சுயநலப்போக்குகளில் இருந்து தமிழக தமிழ்த் தலைமைகள் விடுபட வேண் டும். தமிழகத்தில் ஆறுகோடிமக்கள் இருக்கின்றார்கள் என்ற உணர்வு அவர்களுக்கு வர வேண்டும். தமிழர்களுக்கான அந்தஸ்து டெல்லியில் இருக்க வேண்டும் என்ற உணர்வும் வர வேண்டும். மஹாராஷ்டிராவில், பெங்கோளில் தமிழகத்தைப் போன்று பெரிய ஜனத்தொகை இல்லை. ஆனால், டெல்லியில் இந்த மாநிலங்களைச் சேர்ந்த அரசியல் வாதிகள் பெரும் செல்வாக்கை செலுத்துகின்றனர். தமிழகத்தில் ஆறு@காடி மக்கள் இருந்த@பாதும் அவர்களுக்காக டெல் லியில் குரல் கொடுப்பதற்கு எந்தத் தமிழ்த் தலைமையும் இல்லை. அனைத்து தமிழ் தலைமைகளும் டெல்லியில் எவராவது ஒரு அரசியல் வாதிக்குப் பின்னால் நின்று ""காக்கா#'' பிடிக்கின்றன. அமைச்சர் சிதம்பரம் தமிழ்நாட்டில் மிரட்டுவார். டெல்லியில் காங்கிரஸ் தலைவி சோனியா காந்தியிடம் கை கட்டி நிற்பார். மலேஷியா வாழ் தமிழர்களாட்டும், தென்னாபிரிக்காவில் வாழும் தமிழர்களா கட்டும், இலங்கையில் வாழும் தமிழர்களாகட்டும். ஒட்டுமொத்த தமிழினத்திற்காகவும் டெல்லியில் காத்திரமாக குரல் கொடுப்பதற்கு எந்த தமிழ் தலைமைகளும் இல்லை என்பதுதான் உண்மையாகும். 1984இல் இலங்கையில் தமிழர் பிரச்சினைக்கு தீர்வு காணாவிட்டால் தனி ஈழத்தை உருவாக்குவதற்கான இயக்கத்தை ஆரம்பிப்பதாக அறிக்கை வெளியிட்டேன். இதுகுறித்து இலங்கை அரசாங்கம் அவ்வேளையில் ஏதும் கூறவில்லை. 1984இல் கச்சத்தீவில் தனி ஒருவனாக இறங்கி ஜனதா கட்சிக் கொடியை ஏற்றினேன். அவ்வேளையில் இலங்கை அரசாங்கம் ஒன்றும் கூறவில்லை. ஆனால், அன்டன் பாலசிங்கம் என்னை ""அமெரிக்காவின் ஏஜென்ட்'' என்று கூறினார். அந்த செய்தி வந்தவுடனேயே விடுதலைப் புலிகளை அழி க்க வேண்டும் என நான் நினைத்தேன். என்னைப் பொறுத்து என்று தமிழக அரசியல் தலைமைகள் ""காக்கா'' பிடிக்காது தேசிய அளவில் உரிமைகளுக்காக பாடுபடுவோம் என்ற உணர்வுடன் செயற்படுவார்களாயின் இந்த நிலைமையை மாற்றியமைக்கலாம். .